Etxekideren izenean, bi lagunek izan dugu egun trinko hauetan parte hartzeko aukera
Ekonomia solidarioko sareak antolatu du jardunaldia.
Hiru egun hauetan, Espainiako Estatu osoko erabileran lagatako etxebizitza kooperatiboen proiektuen esperientziak ezagutu ditugu. Baita eredu hori defendatzen duten esperientzia horietan laguntzen diharduten hainbat administraziotako tekniko eta politikoek diotena entzun ere.
Proiektu batzuen finantziazio-esperientziak ezagutu ahal izan ditugu, baita zainketak nola ulertu eta komunitatea nola sortzen duten ere.
Ekologiaz eta jasangarritasunaz ere hitz egin dugu.
Proiektu batzuk dagoeneko gauzatuak dira. Urteak martxan daramatzaten batzuk bisitatu ahal izan ditugu, beren bizipenak, asmatutakoak eta hobetu beharreko arloak kontatu dizkigute.
Oso interesgarria izan da martxan dauden proiektu seniorrak eta zein fasetan dauden jakiteko aukera izatea. Proiektu horiek zerrendatu egin dugu eta elkarrekin harremanetan jartzeko modua lortu.
Senior taldea garen aldetik, agiri komun bat egiteko konpromisoa hartu dugu, administrazioei elkarlaneko senior bizitokiak egoitzen irteera ez-espekulatibotzat har ditzaten eta horiek ofizialtzeko legezko araudiak sor ditzaten eskatzeko.
Kalera ateratzeko aukera ere izan dugu, “espekulazioari lurra irabaz diezaiogun” lemapean, erabileran lagatako kooperatiba-ereduari laguntza publikoa eskatzeko.
Bazkari eta afari uneek lasai eta patxadaz hitz egiteko aukera eman digute.
Jardunaldi honek, besteak beste, hasitako bidean jarraitzera animatzen gaitu, gero eta argiago ikusiz hori amets batetik errealitate batera igaro dela.
https://www.economiasolidaria.org/noticias/la-vivienda-cooperativa-impulsa-su-salto-de-escala/
